問：
hi 師兄！後日我學校將會ｈｉｓｔｏｒｙ ｔｅｓｔ １，
到時會測香港+冷戰
呢排上你你個網見到個考評局官方資源 - Essay及DBQ樣本試卷(2010)
http://www.hkeaa.edu.hk/…/hist/SamplePaper-HIST-Paper1-C.pdf
我就做左冷戰果part,可5可以比D comment 我呀? 5該唒你！！ｔｈｘ！！
（ａ）就1962年蘇聯對西方的政策，漫畫家持1個負面看法,認為蘇聯表面上想與西方國家修補關係,實則上不滿西方國家.首先,從漫畫中,赫魯曉夫打開了[談判之門]的門,然而進門後是一道牆,毫無進路;另一方面,該漫畫刊於1962年,當時美蘇爆發了古巴導彈危機,戰爭一觸即發. 由這兩個線索反咉了蘇聯所謂的[談判之門]是虛假的.
(b) 我在題(a)所指出漫畫家的看法，可以應用於1953-64年間蘇聯對西方的政策. 首先1953-64年間美蘇雙方是處於一個冷戰激進階段.
然後參考資料H, 指出赫魯曉夫希望與西方改善關係,又從奧地利撤軍，各大國在日內瓦召開了一場友好的高峯會議。然而，德國以及軍備競賽等懸而未決的問題，令危機一再出現，這使共存難以持久, 這正正印證了我在題(a)所指出漫畫家的看法，可以應用於1953-64年間蘇聯對西方的政策.
再者,1955年蘇聯成立了華沙公約組織以抗衡美國的北約,1960年又發生了u2偵測機事件,期後1961年蘇聯為了防止居民因[馬歇爾]計劃而逃往西方,於是下令東徳政府興建圍牆圍繞柏林.
從以上的行動,反咉了我在題(a)所指出漫畫家的看法
答：
Halo，其實你要知道，其實資料題要穩定地拎高分嘅話，好多時都唔係靠答案嘅準確度，而係靠大包圍。其實資料題要拎高分概念好簡單，資料題大部分題目都係要求你根據資料作答，你試諗下，假如資料有5個線索，我用晒5個線索而且解釋得可以嘅話，無理由會拎到唔滿分，因為已經用晒資料去答。當然，考試係設有時限，所以你唔能夠咁做，但係一般而言，你只要拎左資料一半左右嘅線索就好大機會拎到滿分或者接近滿分，呢個係資料題拎高分最重要嘅概念，亦即係大包圍。
但係我睇你嘅答案，你拎嘅線索太過粗疏，好似A問「首先,從漫畫中,赫魯曉夫打開了[談判之門]的門,然而進門後是一道牆,毫無進路」，其實呢度可以拆散成為幾個資料用，例如：
參考答案：
漫畫家認為蘇聯對西方的政策表裡不一，缺乏誠意。
首先，雖然漫畫文字指「赫魯曉夫：談判之門仍然大開」，並且漫畫中赫魯曉夫笑著開門並有歡迎內進的姿態，加上地毯上亦寫有「歡迎」的字眼，顯示蘇聯對與西方談判表示歡迎。
但事實上，漫畫的門後只有牆壁，沒有任何出路，因此即使西方願意與蘇聯進行談判，最終也會不得其所，無功而回。
因此，漫畫家認為蘇聯表裡不一，表面上歡迎與西方的談判，但實際上則毫無誠意，不願與西方真誠地進行談判。
而且，你亦都唔係太清楚「看法」嘅作答要求，答「看法」呢類字眼嘅時候唔應該指出正面/負面，因為呢個唔係看法嘅真正要求，你反而應該具體指出作者嘅意見，呢個先係題目想要嘅。
至於你「另一方面,該漫畫刊於1962年,當時美蘇爆發了古巴導彈危機,戰爭一觸即發. 由這兩個線索反咉了蘇聯所謂的[談判之門]是虛假的.」係唔會有分，因為漫畫係1962年，但無指明幾多月，假如漫畫係蘇聯運送導彈到古巴之前所繪畫，咁就唔能夠你論點，所以呢個point唔會有分。
因此，你第1題應該係3/4分左右，如果手緊嘅話更加可能只有2/4分。
至於B問，你事實上黎講只有2個point，一個係資料，另一個係就我所知，其實呢題評分好簡單，資料同就我所知各一個point，每個Point俾2分，即係合共4分，咁就會係4/7。
其實，如果你係D大分數嘅問題想拎高分，麻煩首先一個要夠論點，最基本都要2個資料嘅points，2個就我所知嘅points，呢個係拎滿分嘅入門卷，你自己要再諗下點可以將你D論點再分拆，令到有更多嘅論點出現。
一開始嘅時候我已經同你講大包圍嘅重要性，而你必須知道，為左方便同令閱卷員可以好清楚改你份卷，你應該一個point一段，段與段之間要隔行，咁樣閱卷員可以好清楚你point嘅數目，亦都可以好容易改你份卷。如果你論點基本上唔係離題，只要論點數目足夠，你離高分都會唔遠。
古巴導彈危機漫畫 在 中共在古巴建立監控基地手伸到美國後院習近平測試 ... - YouTube 的必吃
中共在古巴建立監控基地手伸到美國後院習近平測試美國底線中美終有一戰？ | 古巴| 監控基地| 情報站| 古巴導彈危機 | 美中對抗| 軍事| 6/10【馬克時空】. ... <看更多>