關於 危 情 時速 netflix ，我們在網路上蒐集到這些相關的討論、資訊與評價

【明年會唔會兩星期後可以串流睇《F9狂野時速》？】

呢單嘢好似好遙遠，但睇落將會徹底改寫戲院同影業玩法。

商業世界嘅嘢好恐怖，好多嘢都估你唔到，呢單情況就例如舊年迪士尼同Sony嗌交，聲稱唔合作《蜘蛛俠》相關電影，結果轉頭又握握手好返咁。

其實，一切都係「鬥大」嘅商業權宜之計。

話說《魔髮精靈：唱遊大世界》玩戲院串流同步公映，從此改寫咗疫情年代電影發行玩法，但又真係「聲稱」賺得仲多過戲院，亦令全球最大院線AMC嬲嬲豬，表示唔再發行Universal電影，擺明就係一場「攬炒」行動。點知冇兩個月，佢哋兩個竟然簽訂咗協議，詳情點deal冇向外間公佈，總之就傾掂咗數。協議講明Universal可以喺17日後就將套戲放去線上串流，完全打破以往「90日空窗期」玩法，意即《F9狂野時速》、《侏羅紀世界：統治霸權》等大片，你分分鐘17日後就可以線上睇到。雖然，協議講明咁短期上線，並唔係Netflix之流任睇，都係要$19.99睇48小時果隻，但對戲院嚟講，呢單嘢都係沉重打擊。

呢類大片係會有班忠實影迷如小弟同大家咁，頭幾日就衝去戲院睇，對首輪票房唔會有太大影響，但要講後勁，未來有一班喺疫情後習慣咗屋企睇大片嘅觀眾，自會等「廿蚊一家人睇」時間，對戲院票房點都有影響。

除咗AMC之外，其他戲院會點反應、各大片廠會唔會效法又傾個「17日deal」，暫時都係未知之數，但呢單嘢聽落好似唔係好關我哋事咁，畢竟都係一個北美嘅deal，長遠嚟講，咁搞法對全球戲院同發行，相信都將會有所動搖。

一雞死一雞鳴，疫情之下係令Netflix、Amazon、Disney+之類平台賺到笑，但戲院前途堅係危危乎...

【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

[走在刀鋒上 – “Senna”]

Medium: https://link.medium.com/hulJwTV2f6

//

2020 年 5 月，武漢肺炎喺歐洲嘅疫情有見頂回落嘅跡象。一級方程式 (F1) 賽會宣布，計劃七月開始喺歐洲恢復賽事，一眾車迷餓咗半年，終於見到隧道盡頭嘅光線。

喺冇睇賽車嘅時候， F1 車迷不至於完全冇選擇，鍾意睇 F1 車手打機鍊車嘅有 Virtual Grand Prix ，懷舊嘅有經典賽事重溫。想了解車手內心世界嘅， “Netflix” 有 “Drive to Survive” 。

而喺 5 月 1 日，紀錄片 “Senna” 可能係最適合嘅選擇。

- - -

正如後生嘅籃球迷可能要睇 “Last Dance” 先至知道 Michael Jordan 有幾勁，如果大家冇機會睇返上世紀八、九十年代嘅 F1 賽事， Ayrton Senna 點解被喻為一代車神，可能都係一個謎。

來自巴西一個富裕家庭嘅冼拿，曾經三度奪得 F1 總冠軍。企喺 2020 年回望，冼拿嘅成就絕非前無古人、後無可者： 1993 年，綽號嘅「教授」普魯斯 (Alain Prost) 喺暫別賽事一年後回歸，跳出最後探戈而成為四屆世界冠軍。 2004 年，德國車神舒麥加 (Michael Schmacher) 第七次登頂。 2019 年，英國車手咸美頓 (Lewis Hamilton) 第六次封王。

如果三屆世界冠軍並非咁罕有，咁點解冼拿嘅地位咁崇高呢？

喺習慣以成敗論英雄嘅體育世界，江山代有人才出。喺可以量化嘅成績以外，一啲難以量化嘅元素，就成為「傳奇」同「好手」嘅分野。英超「紅魔鬼」曼聯出名在青訓人才輩出，而且有「魔性」； NBA 嘅 “Black Memba” 高比拜仁刻苦修鍊、不屈不撓；網球界嘅瑞士球王費達拿，風格優雅，老而彌堅。

至於冼拿，我會形容佢係激情無限，將自己同戰車能力發揮至極限。

1980 年代嘅 Formula 1 賽車，冇今時今日咁多電子嘢 (例如防滑嘅 traction control ，就要到 90 年代先至應用喺 F1 ，及至 2008 年被禁) ，對車手駕駛技術要求極高。

1984 年，初出道嘅冼拿喺摩納哥站大放異彩，佢冒住滂沱大雨，將中游份子、戰力有限嘅 Toleman 車隊座駕性能發揮得淋漓盡致，幾乎逢車過車，直迫領放嘅普魯斯。不過，「教授」揮手示意雨勢太大、要求中止賽事 (而賽會又同意) ，將冼拿首先分站冠軍推遲咗一年，咁大把。儘管如此，冼拿手車嘅快、勇、狠，已經足以令佢嶄露頭角。

其後，冼拿經過喺 Lotus (蓮花車隊) 嘅三個賽季，徘徊喺總排名第三、四，成績驟眼睇落好似唔夠亮麗，但其實主要原因係正式賽事表現唔夠穩定，論排位賽，佢喺 1985 同 1986 年分別七次及八次排頭位。當年一季先得 16 場賽事。

- - -

紀錄片對於冼拿自 1988 年起，加入麥拿倫 (McLaren) 車隊，同普魯斯一時瑜亮嘅競爭對手關係著墨較多。無他，冼拿 1988 年首度成為總冠軍，正面衝擊普魯斯嘅地位，一個冒起、一個守成，衝突實屬必然。

片中描繪普魯斯老謀深算、收放自如，同冼拿拼命三郎、不惜一切嘅作風南轅北轍。加上時任 F1 賽會主席、同普魯斯份屬同鄉嘅 Jean-Marie Balestre 有意無意作出對普魯斯有利、對冼拿不利嘅判決或干預，普魯斯無形中喺呢套 docu 入面扮演咗一個反派角色。

即使係年輕嘅車迷，透過 Instagram 都可能睇過 1989 年，冼拿同普魯斯鬥到最後一個分站，喺日本鈴鹿賽車場 (Suzuka) 各不相讓而攬炒嘅一幕。當時必須勝出嘅冼拿迫逼場邊工作人員幫佢推返郁架車，再花時間換埋頭翼而後上勝出，剛好夠分壓過普魯斯而成功衛冕。但係賽會主席 Balestre 向裁判施壓，迫佢哋搬龍門而判冼拿犯規兼取消資格及停賽。

喺政治同金錢遊戲背後，冼拿嘅反抗無疑更凸顯佢對純粹速度上較勁嘅熱愛。當然，喺鏡頭以外，冼拿對於勝利嘅執著，亦導致佢會向阻佢發達嘅車手出言不遜甚至揮拳相向。一個銀仔有兩邊，英雄總有陰暗面。

- - -

1994 年，冼拿離開效力六年嘅麥拿倫，轉投配置更頂尖嘅威廉士車隊 (Williams) 。此舉原意係追求事業更上一層樓，畢竟佢喺 1990 年及 1991 年摘冠，成為三屆世界冠軍之後，已經連續兩年陪跑，屈居於威廉士車隊嘅文素 (Nigel Mansell) 及普魯斯之後。

奈何 F1 賽會喺 94 年賽季禁止一啲電子技術，令威廉士嘅戰車表現冇咁穩定。即使冼拿技術超凡，喺場上嘅表現都難免受到拖累。隨住後起之秀舒麥加步步進迫，唔輸得嘅冼拿變得更加焦躁。

喺季初連續兩場賽事食白果之後，冼拿矢志喺聖馬力諾站嘅 Imola 賽道爭勝。不過，由練習到排位賽都事故頻生，其中喺 1994 年 4 月 30 日，新晉車手 Roland Ratzenberger 喺排位賽中失事身亡，更加令賽場一片愁雲慘霧。

新聞寫作有一句老說話： “If in doubt, leave it out.” 如果冇信心，就唔好上陣。但係冼拿對於勝利嘅渴求蓋過咗對於戰車嘅信心不足，佢排頭位出賽而賽至第七圈 – – 一隻高速左彎，冼拿座駕失控，以時速二百幾公里直撼石屎牆。

一代戰神，最終戰死沙場。係性格使然，亦可能係一種解脫。

- - -

冼拿曾經接受 F1 名宿 Jackie Stewart 訪問。

話說 1990 年佢 (又係) 喺日本站同普魯斯鬥到最後一站，同 89 年相似嘅係，賽會安排排頭位嘅冼拿喺不利嘅線道 (dirty line) 起跑。今次冼拿第一隻彎就踩到盡，同普魯斯再次攬炒，而唔同嘅係，今次冼拿夠分做總冠軍。

Jackie Stewart 質疑冼拿危險駕駛，對佢同其他車手都構成危險。冼拿嘅回應係：

“If there is a gap you have to go for it, and if you don’t then you are not a great driver.”

(賴叔中譯：「無孔不入，車神也。」)

1994 年 5 月 1 日，賽車界痛失冼拿，巴西全國視之為國殤。對於喺不足一年前失去 Beyond 主音黃家駒嘅香港人嚟講，冼拿行走江湖，喺刀鋒上搵食，同樣係自由奔放嘅圖騰。 26 年後藉 “Senna” 紀錄片緬懷傳奇人物之餘，亦不禁撫心自問，無懼千鈞一髮、勇往直前嘅初心，至今安在？

Credit: https://flic.kr/p/jY7gu

- - -

想睇更多賴叔時政見聞、金融掃盲及職場文章，請訂閱 Patreon:
https://www.patreon.com/shuklai

#hk #hongkong #patreon #blogger

抱歉拖了這麼久都八月了，為你整理出來今年上半年不可錯過的16部電影

羅比頻道訂閱者募集中👉 http://goo.gl/4YzOjF
我的IG帳號👉 robbie_ins

歡迎留言幫助羅比頻道變得更好

#羅比電影專題

近期影片：
《痛苦與榮耀》影評 Dolor y gloria【羅比】pain and glory
https://youtu.be/c27Fn-YNwio
《玩命關頭 特別行動》影評 Hobbs & Shaw【羅比】狂野時速 雙雄聯盟/港譯
https://youtu.be/grTwWDSQjIM
《仲夏魘》影評 Midsommar【羅比】 仲夏夜驚魂
https://youtu.be/8YX25druti8