冰島嘅冰洞，係吸引我去冰島嘅另一動力。
#正文社旅遊書 #我是旅行嘉 #冰島經歷 #何嘉麗callmegaga #冰㓊
《我是旅行嘉》- 冰島的冰洞
去冰島旅行，除了看極光之外，最期待的就是冰洞。但是在我們要參觀冰島的那個早上，導遊忽然說，因為前一天下過雨，所以我們參觀的冰洞內充滿水，我們不能入去！
大家聽到呢個消息之後都非常失望！但係又可以做啲乜呢！第一如果真係充滿水，呢個係大自然嘅計劃，我哋無從參與。如果佢呃我地，我哋亦都無從證實，雖然佢話會回水，但係我希望個山洞回水好過佢俾返錢我囉！
唔開心咗一日之後，第二朝佢又話可以帶我地去參觀另一個冰洞，不過規模細好多，但係始終係冰洞，都好過冇啦。
參觀冰洞最有趣嘅地方，係佢搞到非常之煞有介事。首先我哋坐平日嘅旅遊小巴去到某一個點，然後就擒上一架非常之高大嘅Jeep，呢部Jeep真係要擒上去嘅。行咗一段路程，沿途都係黑沙，感覺就好似喺Star War D 場景行緊咁樣。到落車啦，又要聽一輪講解，什麼冰凍入邊好凍要着夠衫、要戴帽、但係頂帽又唔可以太大、因為一定要戴頭盔、又要小心行因為好滑，又唔可以唔聽指示而隨便自己走。總之講到好似好得人驚咁。當然對於喺冰上滑倒並且暈低咗過嘅我來講，行呢個冰洞係心驚膽跳嘅。跟住嘅步驟就當然係在鞋外着上冰爪啦，如果唔係你以為唔會跣到你飛起咩！
裝備齊全之後就進入冰洞，呢個冰洞真係唔算大，並且當日天色比較暗，並冇折射出冰島嘅冰果種特有嘅藍色，但係成個洞都係冰，又真係幾蔚為奇觀。行上去嘅路都好窄，傍邊亦都有啲水流緊，大家步步為營咁樣行入個冰凍嗰度。行到入去之後又豁然開朗，因為後邊又係通天嘅，到呢度至知乜嘢叫做別有洞天。
導遊講解完一輪之後，自己影吓相就回程，唔好睇好似好快完事，前後都搞咗成個幾鐘，因為喺冰上面你真係要慢慢行，冇得打尖。或者係呢個原因，訓練出冰島人一般都非常之有耐性。對香港人來講，去冰島一轉，比較上嗰啲什麼情緒控制課程更有效！
#正文社旅遊書 #我是旅行嘉 #冰島經歷 #何嘉麗callmegaga #冰㓊 #恍似星球大戰的場景
http://www.rightmantravel.com
