Search
《畀習大大嘅公開信》
本人李懂媽，呢幾日喺微信朋友圈收到排山倒海嘅訊息，全部係香港暴亂瘋狂失控嘅場面，響13億人嘅心目中，香港已經係一個妖獸都市，大灣區嘅7+2構思完全畀林鄭月娥摧毀。
有見及此，本人深思熟慮之後，好認真咁提出一個破釜沉舟嘅方法，即時補番一個月薪水畀林鄭月娥，再由人大釋法宣佈24小時後組成特區新班子：
鬍鬚曾做特首，每日介紹下啲舊歌，一定可以緩和而家嘅緊張局勢。
楊岳橋做律政司司長，可以重新檢控689，重建香港法治精神。
施永青一向無為而治，代替無能而治嘅將見終最啱。
香港資金持續流失，金管局搵最叻抽水嘅田大少不作他人選。
任何人做財政司司長都一定好過荒茂波。
至於教育局局長，我buy沈旭暉嗰套「後物質」主義，副局長就由佢老婆做。
至於保安局局長同一哥，華仔同阿王一早響《寒戰》合作無間，我講真心，佢兩個做香港一定平安大吉。
咁我咁辛苦替特區出謀獻策，點都要撈返個新聞處處長。
點解冇咗創科局局長？
嚴正建議直接取消呢個部門，叫楊局長落去搵喬布斯飲咖啡。
草（泥馬）民
李懂媽
速龍小隊冇位放編號? 網民回應: 選港姐套 比堅尼 泳衣都有編號啦! 請三十多萬月薪保安局局長不要侮辱港人智慧。
逼台灣接受，究竟有咩目的？
全文：https://www.post852.com/?p=276351
保安局局長李家超今午召開記者會，宣布特區政府決定去信立法會內務委員會主席李慧琼，期望修訂《逃犯檢例》的草案可以在下月12日提交上立法會大會，恢復二讀辯論。游清源今日在D100《龍鳳大茶樓》表示，台灣陸委會已多次表明，即使特區政府通過修例，亦不同意移交台灣殺人案疑犯陳同佳，但李家超卻一再堅持，證明他是「監人賴厚」。
游清源認為，記者會上最離譜的是李家超對與台移交提問的回應，「台灣都唔要（移交）囉，你做咩咁急仲要上去（立法）呢？」，李家超卻堅稱，通過立法後台灣「就可能要」。游清源直指，「人哋都話明畀你聽，你唔立法我反而要，你立咗法我就唔要，因為你立咗法就將佢撥入中華人民共和國裡面，咁我點要啫？」由此可見李家超「監人賴厚」。
游清源又指，現時全政府都不想為修例負責，包括特首林鄭月娥、政務司司長張建宗以及律政司司長鄭若驊，李家超月薪金逾30萬，「衰衰哋都要哽一哽去」。
#852郵報 #移交逃犯修例 #移交逃犯 #逃犯條例 #游清源 #李家超 #林鄭月娥 #張建宗 #鄭若驊 #台灣殺人案 #陳同佳
