Phone Phobia
我是「事與願違」的忠實支持者，我深信上天只會給你最討厭的東西，而從不會令你「如願以償」，我討厭寫字，偏偏就安排我去做文字創作，然後自小就極厭惡「講電話」，偏偏又安排我去做了多年電台「傾電話」的節目主持，仲成績唔錯!但到現在我仍然好抗拒「傾電話」，特別是要接聽一個來電，像要有跳 笨豬跳的膽量才可以!我一直視這個是自己的陋習，怪僻!但對不起!我真的很小會接聽來電
而我用了很多時間分析自己點解有呢怪僻，可能是自小我已經好討厭人「傾電話」，覺得講電話有九成的資訊是廢的，如果有重要事要傾，應該出來面對面傾!
以前好怕見到個男人揸住個電話氹女，重覆又重覆
捱了幾十年，終於等到「短訊」出現，令我有重見天日的興奮，大家可以在適當時侯，以有質素的文字或聲音去與你喜歡的人溝通，工作上又可以諗清楚至回覆，又有憑有據，簡直是偉大發明! 但偏偏有人就仍然係喜歡「傾電話」，我最怕是「短訊」傾得好地地，對方突然打電話俾我，唔接聽但又唔知點解釋，硬話「開會中」不能聽電話，希望以這勉強理由，去令對方明白我是有苦衷，但「事與願違」是必然，對方一定會問過究竟，甚至以認定我有情緒問題，而引至對社交產生恐懼，所以唔肯接電話，亦希望我由肯接電話開始，去治療這個大病!但其實我就係唔想接電話，無原因㗎!
或許我中了從前的電視劇毒，總認為有來電，就會有壞消息 「你係咪xxx嘅家人？xxx出咗意外……」，不知不覺養成了對接來電的恐懼？但其實我就係唔想接電話!無原因㗎!
最近我要找一位老前輩，對方不方便見面，只能以電話通訊，我們相約好某時某刻，我致電給他，我可以告訴你以一位做過騷的人嚟講，打這個電話前比出場前緊張忐忑幾百倍!終於等到夠鐘，但對方沒有接聽我電話，我即時像過山車向下墮!
我要等對方回覆來電，我要接電話!
不要放大事情 接電話根本好簡單
我重覆朗讀去催眠自己
終於我收到前輩的「短訊」
不好意思!剛才不方便傾電話，我現在可以打給你嗎？
我回覆
可以!隨時可以……
我望住電話在等，心情比賽馬影相等結果更緊張!
終於前輩再發短訊過來
其實我這邊有點吵!你不介意其實以短訊溝通也可以
我的面前出現了一道光，把我從地獄帶回人間!
最後我和前輩「短訊溝通」了近五小時，我肯定成效會比通電話為大!
我知我係唔啱，我唔係求你原諒，我只係想搵番多啲好似前輩嘅同類，等我唔好咁寂寞!
我其實就係唔想接電話，無原因㗎!
#打俾人前發個短訊問問人家放便接電話嗎
#有些人是永遠唔放便
#你可以驚曱甴老鼠
#我可以驚接電話
#係無得解㗎
係無得解㗎 在 爛gag笑話棟篤笑，Lq腦筋急轉彎，歇後語謎繞口令 - Facebook 的必吃
佰個《 爛gag 》任分享，男女老幼無代溝。 入學求職interview，老闆稱奇Very Good . A. 李雲迪最怕咩? 《美源髮彩》無得彈. B. 有咩老鼠用兩隻腳行路？《米奇老鼠》 ... <看更多>