回帶
上星期六小怪獸s 6個月大喇!
而家兩個人仔都差唔多成廿磅,抱佢哋就好似抱住包大米咁!
有時久唔久睇返佢哋細個啲相(咁其實而家都唔係好大個),真係兩個樣,明明同一個BB黎㗎嘛!由最初成舊麵粉咁,到而家識同你講野(聽唔聽得明係另外一回事)、對住你笑到唔見牙又唔見眼、你一抱就收聲唔喊、沖涼踢水踢到你周身濕晒,就覺得時間過得實在太快,忍唔住攬住佢哋狂咀幾十下先夠。
怪獸成日同我講,好感恩佢哋兩個平平安安咁出世。我就叫佢更加要乖乖哋,咁先可以保護小怪獸s。仲要好好珍惜而家佢地痴身同認人,因為過多幾年,佢哋有自己嘅同學同朋友,就唔會理我哋㗎喇。
#小怪獸s
#6m
一個 月 bb 認人 在 陳美濤 Tomato Facebook 的最讚貼文
生死守恆村(上)
我叫阿輝,我嘅興趣係周圍去旅行,特別係去啲有神秘傳說嘅地方。
大家都知,到處都有人想呃遊客,為免麻煩,我儘量都打扮到窮啲。
呢一次,我去咗「娘娘寨」。
據講,呢條村係楊貴妃嘅後代,當年馬嵬坡下,楊貴妃其實冇死到,遠走他鄉,生下後代,所以名為「娘娘寨」。
呢種傳說冇咩出奇,好多人都會聲稱自己係某個古代名人嘅後代,事隔一千幾百年,唔通驗DNA咩。
真正得意嘅係,呢條村嘅人數係固定嘅,永遠都只有88個村民。
無論係豐收定天災人禍,人數都唔會增加或者減少。
比如有人生咗BB,就會有另一個村民死去,總之,每年過年嘅時候,娘娘寨一定係有88個村民。
傳說,有一年,有一戶人家喺外地娶新抱番嚟,新抱生咗個BB。
但嗰個時候,村裡面冇好老嘅老人家,亦冇重病嘅村民,大家都以為會打破88人嘅規律。
但冇幾耐,接連有兩個後生仔意外身亡。
類似嘅事情層出不窮,總之,加加減減,人數永遠冇改變,所以被稱為「生死守恆村」。
今次,我嚟呢度旅行,當然係想探索吓呢個奧秘。
有同樣諗法嘅人不在少數,所以村裡面都有唔少遊客,只要畀錢,就可以寄宿喺村民屋企。
好彩,遊客嘅打扮比較新潮,同村民有啲唔同。
我夜晚寄宿喺李嬸屋企,日頭周圍行,默默認人同數人頭。
由於我生得又黑又醜,行行吓都會聽到有人笑我:「睇吓,嗰個男人好醜樣。」
呢種事我已經遇得太多,我已經冇咩感覺。
但神奇嘅事,喺第三晚開始發生。
李嬸突然間對我好好,依照我過往經驗,無事獻殷勤,多數係想呃我。
但係,自從我扮到好窮之後,已經冇咩人打我主意。
我喺銀包拎出幾張皺巴巴嘅紙幣,扮到傻仔咁:「我想買嘢食,唔知呢度物價係點,我得咁多錢。」
李嬸推開我隻手,好熱情咁話:「哎呀,阿輝,我哋駛咩講錢。我見你就覺得好親切,好似我個仔咁。」
我更加覺得奇怪,一般嘅騙子,通常見到幾多錢就呃住幾多先,李嬸連送上門嘅錢都唔要,只可以證明佢所圖甚大。
我多番試探,但李嬸冇對我提出任何要求,只係強調佢覺得我好合眼緣,只要我住得開心就得。
跟住落嚟嗰幾日,我喺條村度周圍走,所有村民都對我好熱情。
有遊客笑我醜樣,村民仲義憤填膺地鬧個遊客。
我已經暗暗記低晒村民嘅樣,計過數,依加有87個村民。
按照傳說,明年過年嗰陣,人數就會變番88個。
不過,依加已經十一月,條村亦冇孕婦,即係話,要變番88人,就要靠外地搬入嚟嘅人。
李嬸同村民嘅意圖昭然若揭,佢哋對我咁熱情,係想引誘我連人帶戶籍咁搬入嚟,幫佢哋湊人頭,維持「生死守恆村」嘅傳說。
維持呢個傳說,對佢哋有咩著數?
最重要嘅問題係,如果呢個傳說係村民刻意造假,咁佢哋點樣處置「多出嚟」嘅村民?
我去咗村口,每年過年,所有村民都會聚集,影一張大合照,每張合照都有88人。
佢哋將所有合照擺喺村口,亦係呢條村嘅景點之一。
唔少遊客聚集喺村口,對住合照數人頭,嘖嘖稱奇。
我圍埋去,仔細觀察上一年嘅合照,相中有88個人,比我依加所見多咗一男一女,少咗一個嬰兒。
照咁推斷,今年過年後,有一個嬰兒出世,變成89人。
村民為咗維持傳說,應該減一個人,唔知出咗咩意外,呢對男女消失咗,令呢條村變成87人,所以村民急急腳搵個人嚟補數。
夜晚,我返到李嬸屋企。
我藉故同李嬸講,我嘅旅費都用得七七八八,差唔多要返屋企。
李嬸臉色一變,匆匆忙忙咁出咗去,好快就帶埋村長過嚟。
村長和顏悅色咁同我講:「阿輝,我睇你都幾鍾意呢度,你有冇興趣搬嚟呢條村呢?」
下集:https://bit.ly/3g5Lenl
將專頁設定為「搶先看」/ "See first",最新故仔馬上睇!
我嘅職業係:屍體Cosplayer:https://goo.gl/xeBv1R
我被我綁架:http://bit.do/e2qYk
#短故 #短篇 #小說 #陳美濤 #廣東話 #粵語 #tomatochan #生死守恆村
一個 月 bb 認人 在 我的極品四大長老 Facebook 的最佳貼文
讀者投稿《愛面子又樣樣管老爺篇》
我62係一個好鐘意認叻、愛面子又樣樣野要管嘅男人
由我個女第一日出院,佢就同我老公兩個係度爭住幫bb換衫,見到佢地4隻手係度你推我爭,我都忍唔住出聲話佢地,因為我個女好細粒,真係好驚佢地會整親佢。
到餵奶時間又爭住入黎房餵,但佢完全無留意到個奶樽原來係有問題,啲奶根本就漏左一大半,但佢每次見到我啲親戚都好自豪咁話“我餵佢飲奶,佢飲得幾快呀”。
坐月期間,我爸媽佢地黎探我,順便落樓下食晚飯,就拜託我99幫手睇住bb一陣,原本諗住我地自己一家人落去,連我老公都無諗住跟黎,但我62可能太好客,係都要跟,臨出門口仲同我99講左句“閂晒啲門窗呀,唔係一陣有人偷走個孫” 😂
每次我地帶個女去街,我62一定好熱心咁提我地記得帶水帶奶粉帶奶樽帶多幾件衫。
有次我幫親戚替工兩日,原本諗住叫我媽咪幫手湊,點知我62話“唔駛啦,我搞得掂” 其實我係知佢搞唔掂,因為佢根本無湊過小朋友,而且都有返咁上下年紀,不過我老公都叫我俾佢試一試,咁我就自己返工,無帶個女去我媽度。但原來湊左一陣,我62已經投降,搵左我大姑奶黎幫手,然後我返到去,接手湊返個女果陣,仲要聽到佢同我99講(用鄉下話,佢以為我唔識聽,但其實我聽得明)“bb見到阿媽都唔識笑” 其實返工已經好攰,唔明點解佢仲要講句咁嘅野😅不過知佢湊唔掂,我果晚已經叫我老公同佢講,唔麻煩佢幫我湊女,我放個女去我媽咪度先再返工。
到個女開始認人果陣,我62次次抱親佢,我女都一定大叫兼大喊,可能佢唔想無面,所以佢每次都會當住所有人面前講“哎,佢開始認人啦,個個抱佢都喊,淨係跟住阿媽” 但其實得佢抱先咁🙈
之後個女開始牙牙學語,會發出咦咦er er嘅聲果陣,佢就話我個女要人抱,其實就係佢自己想抱,所以搵左呢個藉口。
最後就係有次我地全部人一齊出去食飯,幫佢慶祝生日,因為分開去,所以我6299同啲姑奶到左酒樓先,但原來我62一早係出面等緊我地,佢一見到我地,我連招呼都未打得切,佢就講都唔講就抱走左我個女。
到食野果陣,佢就淨係掛住抱我個女出去行,唔食野,我地啲姑奶同我老公佢地都話“食完野先抱佢啦,先同佢玩啦”點知我62竟然答“我琴晚去飲食到好飽,唔肚餓呀”😱
跟住佢又抱住我個女走左出酒樓,到佢返黎果陣,我地全枱人都食緊野,佢就同我個女講“咁慘呀你,無人理你呀,個個都掛住食野” 對住佢真係......無言!
#退一步海闊天高
#我的極品四大長老
⬇設計圖片